ni Rey David T. Enriquez (2016)
I
Tao’y punong-puno ng kapighatian
Sa mapanglaw na araw ng ating bayan.
Patak ng ula’y tumutulo sa mukha
Sa pagbabagong pagsisisi ang bunga.
II
Itigil ang pagkitil sa walang laban,
Pagbabago ng kapwa’y bigyang katwiran.
Mga nangyayari’y ‘di mo ba alintana?
Mga tahana’y patuloy na nasisira.
III
Nais ko lamang daing na ‘to’y pakinggan
At ang kapayapaa’y bigyan ng daan,
Hiling ng bawat tao’y bigyang halaga
At pagmamahal ang ating italaga.
IV
Muling gamitin ang ating lalamunan
Dahil ating taglay ang kapangyarihan.
Oras na ng pagsasalita ng masa
Sa ‘di makataong pagsugpo sa droga.
Bayang Mapanglaw
ni Rey David T. Enriquez